Беларускі ПЭН і Міжнародны саюз беларускіх пісьменнікаў абвяшчаюць доўгі спіс кніг, намінаваных на паэтычную прэмію імя Наталлі Арсенневай за кнігі 2025 году. З поўнага спісу прэтэндэнтаў журы адабрала дзесяць найлепшых, паведамляе bellit.info.
- «2/3» — Фелікс Аксёнцаў (Hochroth, 2025)
- «Анатомія» — Артур Камароўскі (Skaryna Press, 2025)
- «Нетутэйшая далечыня» — Ігар Кулікоў (Янушкевіч, 2025)
- «Хроніка адмаўлення пустаты» — Ілля Кульбіцкі (Skaryna Press, 2025)
- «Той, хто смяецца» — Ілона Мядунка (зашыфраваны ўдзел)
- «Праспект Нежалезнасці» — Мікіта Найдзёнаў (Янушкевіч, 2025)
- «Кровазварот» — Юля Цімафеева (Янушкевіч, 2025)
- «Чайны збор. Выбраная постпаэзія 2007–2025» — Макс Шчур (SayBeat, 2025)
- «Надзейны сродак ад прывідаў» — Ганна Янкута (Hochroth, 2025)
- «Śviata žyćcia» — Frydrych Samotny (Hochroth, 2025)
Абраныя кнігі дэманструюць багацце паэтычнай нівы, разнастайнасць стыляў, школ, кірункаў. Тут і ўвага да мовы як да матэрыялу і прасторы досведу, і спроба асэнсаваць сучаснасць ва ўсёй складанасці і шматпластовасці.
Вынікі прэміі будуць агучаныя 27 траўня ў прасторы Новага Тэатра ў Варшаве, дзе пройдзе цырымонія ўзнагароджання пераможцы.
Згодна са статутам прэміі, аўтары і аўтаркі могуць захоўваць ананімнасць з меркаванняў бяспекі. У такіх выпадках творы ўдзельнічаюць у конкурсе без раскрыцця імёнаў і назваў. Аўтарства будзе абвешчана толькі тады, калі гэта стане бяспечна.
Партнёр цырымоніі: Новы Тэатр (Nowy Teatr, Варшава).
Пры падтрымцы фондаў «Estate of Vitaut Kipel» ды «Belarusian Charitable Trust».
Калі вы працуеце ў Літве, вы можаце падтрымаць «Будзьма беларусамі!», пералічыўшы нам 1,2% ад сваіх падаткаў. Вам уласна гэта не будзе каштаваць анічога.
