Адбыўся ўстаноўчы сход для стварэння Беларускага ПЭНа ў замежжы.
Старшынёй Беларускага ПЭНа была абраная Таццяна Нядбай.
У Раду ўвайшлі: Святлана Алексіевіч, Вольга Шпарага, Юля Цімафеева, Андрэй Хадановіч і іншыя.
Сходам таксама зацверджаная назва для арганізацыі:
Беларускі ПЭН — на беларускай мове, PEN Belarus — на ангельскай.
Беларускі ПЭН з’яўляецца паўнапраўным чальцом Міжнароднага ПЭНа.
Сайт Беларускага ПЭНа — penbelarus.org (з Беларусі адкрываецца праз vpn), тэлеграм-канал — @PENBelarus.
Нагадаем, Беларускі ПЭН-цэнтр быў лікваідаваны 9 жніўня 2021 года.
Салідарнасць з Беларускім ПЭНам выказалі шэраг міжнародных арганізацый, сярод іх - Міжнародны ПЭН, ПЭН Амерыка, Шведскі ПЭН, Украінскі ПЭН, Польскі ПЭН і іншыя арганізацыі.
