Беларусы стварылі ініцыятыву па прасоўванні беларускай мовы ў папулярным музычным сэрвісе Spotify. На дадзены момант ініцыятыва сабрала 1054 галасы і 97 каментароў.
Запыт на стварэнне беларускамоўнай версіі Spotify мае статус «Live idea», гэта значыць, што ён мае шансы быць рэалізаваным. Згодна правілаў Spotify, пры рэалізацыі той ці іншай прапанаванай ідэі ўлічваецца не толькі колькасць галасоў, але і іншыя фактары. Тым не менш вялікая колькасць галасоў, натуральна, павялічвае шанцы на рэалізацыю запыту.
Прагаласаваць за беларускую мову на Spotify можна тут.
Spotify — адна з самых вядомых стрымінгавых музычных платформаў, якая мае аўдыторыю каля 422 мільёнаў актыўных карыстальнікаў штомесяц. У каталогу Spotify больш за 50 мільёнаў песень.
