Каманда, якая займаецца выпускам шэрагу беларускіх YouTube-каналаў, сярод якіх «ж**цё-м*л*на», «Че*тн*К» і іншыя, запускае анлайн-школу для відэаблогераў.
Курс навучання будзе складацца з практычных заняткаў, а таксама с матывацыйнай часткі ад запрошаных зорак беларускага YouTube: Мікіты Мелказёрава (ж**цё-м*л*на), Маргарыты Ляўчук (L**chuk S**ra*o), Кацярыны Сныцінай (Зеркало), Яраслава Пісарэнкі («Че*тн*К»), Мікіты Моніча («Около культуры»), а таксама ад зорак беларускага TikTok Лізы Ветравай і Мікіты Бялевіча.
Школа будзе бясплатнай для беларусаў і арыентавана як на тых, хто з’ехаў з краіны, так і на тых, хто застаецца ў Беларусі. Працэс навучання выбудаваны такім чынам, каб гэта было бяспечна.
Тэмы навучання:
— Як раскруціць канал на YouTube з 0 падпісчыкаў?
— Як перамагчы алгарытмы YouTube?
— Як купіць танную тэхніку для здымак, каб не пацярпела якасць?
— Як зрабіць лепшы сцэнарый у свеце?
— Як выкарыстоўваць рэкламныя інструменты YouTube?
Шэсць пераможцаў школы атрымаюць суправаджэнне канала па ўсіх напрамках: ад кантэнтнага да фінансавага і рэкламнага. Тэрмін падтрымкі ад трох да шасці месяцаў.
Адным з арганізатараў школы выступае кіраўнік T**bun*.com у Беларусі і Украіне Максім Беразінскі.
«Мы даўно развіваем беларускі сегмент YouTube. У нас моцная каманда тэхнічных і крэатыўных спецыялістаў, якія супрацоўнічаюць з найлепшымі беларускімі каналамі ў розных аспектах — ад поўнай вытворчасці да дапамогі ў раскрутцы каналаў. Мы перакананыя, што добрых беларускіх каналаў можа быць больш. І гатовыя дапамагчы ім стаць на ногі», — кажа Беразінскі.
Збор заявак у школу — да 15 кастрычніка.
Курс навучання пройдзе ў кастрычніку-снежні 2022 года. Пераможцы будуць вызначаныя да канца 2022 года.
Больш падрабязна — на сайце.
Кантакты для пытанняў: info@videobloger.online
