11 траўня ў касцёле адбыўся пажар, які знішчыў дах. У Будславе пачалі падрыхтоўчыя працы для аднаўлення пацярпелага ад пажару касцёла.
Як паведамляе «Новы Час», ля касцёла паклалі дарожныя пліты і прыбыла першая партыя металу. Ужо прыехаў кран, з дапамогай якога будуць аднаўляць дах, і сёння яго пачалі ўсталёўваць каля касцёла. Хутка таксама павінны прыехаць будаўнічыя лясы.
Нагадаем, 11 траўня ў касцёле адбыўся пажар, які знішчыў дах. Прыхаджане самастойна паспелі вынесці кнігі, абразы і іншыя каштоўныя рэчы.