З 27 кастрычніка адукацыйны хаб «Нацыя лідараў» запускае бясплатны анлайн-курс «Гендар з нуля», які дапаможа лепш разумець разнастайнасць гендарных роляў у грамадстве, вызваліцца ад стэрэатыпаў і пабудаваць паважлівыя і раўнапраўныя адносіны — дома, на працы і ў супольнасці. Арганізатары падкрэсліваюць, што гэты курс — для ўсіх, каму важна разумець людзей вакол.
Старт 5 патоку: 27.10.2025 г.
Рэгістрацыя: да 26.10.25 г.
На курсе вы:
- убачыце, як звыклыя ролі ўплываюць на сям’ю, працу і кар’еру
- навучыцеся заўважаць стэрэатыпы і не паддавацца іх уплыву
- разберацеся, чаму павага і давер працуюць лепш, чым канфлікты
- зразумееце, як мова і зносіны могуць дапамагаць або перашкаджаць узаемапаразуменню
Як праходзіць курс?
- 2 месяцы
- 8 модуляў
- кароткія відэалекцыі (20–30 хвілін) + канспекты
- заданні са зваротнай сувяззю
- вэбінары для абмеркаванняў і пытанняў
Курс пасуе ўсім, незалежна ад досведу і поглядаў — гаворым пра складанае даступна.
Што ў праграме?
Сярод пытанняў, якія плануюць абмяркоўваць падчас навучання:
- Гендар і гендарная роўнасць: што гэта такое і навошта патрэбна беларускаму грамадству;
- Як гендарная роўнасць дапаможа мужчынам;
- Якія паказчыкі Беларусі ў міжнародных гендарных рэйтынгах;
- Навошта патрэбная карпаратыўная гендарная палітыка;
- Як мова можа дапамагаць (або перашкаджаць) розным групам стаць бачнымі;
- Як захаваць сям’ю і выбудаваць эфекыўную мадэль партнёрскіх адносін у сям’і.
Падрабязная праграма навучання па спасылцы.
Запісацца на курс можна тут.
