закрыць

Беларускі пісьменьнік Саша Філіпенка атрымаў прэмію «Зроблена ў Расеі»

30.09.2016 Замежжа Літаратура

Саша Філіпенка ўганараваны прэміяй расейскага часопісу «Сноб» за свой трэці раман «Цкаваньне». І прысьвяціў яе Паўлу Шарамету.

filipenka

Падчас уганараваньня Саша Філіпенка выступіў з прамовай:

«Я хацеў бы падзякаваць тым, хто намінаваў мяне, падзякаваць тым, хто за мяне галасаваў. Мне сёньня паведамілі, што калі я раптам выйграю прэмію „Зроблена ў Расеі“ — стану першым замежнікам, які яе атрымаў. Мне гэта не здаецца дзіўным, бо нягледзячы на тое, што кніга ў асноўным пісалася ў Францыі і пісалася ў асноўным беларусам, усё напісанае ў ёй, на жаль, сапраўды зроблена ў Расеі.

Я б хацеў сказаць асобны дзякуй часопісу „Сноб“. Некалькі гадоў таму часопіс першы надрукаваў урывак тады яшчэ не апублікаванага раману „Былы сын“. Прачытаўшы ўрывак, Павал Шарамет патэлефанаваў майму цяперашняму выдаўцу Барысу Пастэрнаку і сказаў: „Бора, трэба тэрмінова публікаваць“…

І вось праз тры гады Паўла з намі няма, а я атрымліваю прэмію „Сноба“ за раман, у якім распавядаецца, як журналіста цкуюць за ягоную прафэсійную дзейнасьць. З вашага дазволу я хацеў бы прысьвяціць гэтую прэмію Паўлу Шарамету. Дзякуй».

Саша Філіпенка, пісьменьнік і журналіст, ляўрэат «Рускай прэміі» 2014 году, аўтар раманаў «Былы сын», «Задумы», «Цкаваньне».

svaboda.org

Апошняе
на Budzma.org

чытаць яшчэ

Папулярнае

чытаць яшчэ

Афіша

Выстава «Рэстаўрацыйная майстэрня» ў Віцебску

25.04.2025 11:00 - 31.08.2025 18:00 мастацкі музей (вул. Леніна, 32)
Віцебск Выставы

Выстава «Шчаслівы той, хто, як Уліс...» у Віцебску

03.06.2025 11:00 - 07.09.2025 18:00 арт-цэнтр Марка Шагала (вул. Савецкая, 25)
Віцебск Выставы

Выстава Наталлi Гедрановiч «Калі сонца дакранаецца да зямлі» ў Мінску

10.06.2025 19:00 - 10.07.2025 20:00 галерэя «Арт Фабрыка» (вул. Свярдлова, 2)
Мінск Выставы
© 2008-2025, Budzma.org