Перадкалядны нумар парадуе чытачоў як навінкамі мастацкай літаратуры, так і тэкстамі нон-фікшн (публіцыстыка, эсэістыка, літаратуразнаўства, падарожныя нататкі).

Паэзія ў часопісе прадстаўленая, акрамя вышэй згаданага, творамі Анатоля Зэкава, Віктара Слінкі, Волі Чайкоўскай, Міколы Кандратава, Андрэя Козела.

Проза — працягам нізкі апавяданняў Віктара Казько, заканчэннем рамана Валерыя Казакова, апавяданнем Анатоля Бутэвіча, “Віленскімі казкамі” Адама Глобуса і фрагментам з рамана Анатоля Бароўскага.

Макс Шчур пераклаў для “Дзеяслова” казку для тэатра на матывы расейскага фальклору Леаніда Філатава.

Да 130-годдзя Змітрака Бядулі апублікаваны матэрыял Станіслава Рудовіча, Кастусь Цвірка прэзентуе аўдыторыі мемуары са сваёй новай кнігі.

Да юбілею Алеся Каско ягоны зямляк Васіль Дэбіш прадставіў творчы партрэт пісьменніка. Васіль Дранько-Майсюк выступіў з эсэ “Пякельная рэчаіснасць Барыса Сачанкі”, з артыкулам выступае Васіль Жуковіч.

Тэма літаратурных падарожжаў раскрываецца ў гутарцы Аляксандра Тамковіча з кіраўніцай Балтыйскага цэнтра пісьменнікаў Аленай Пастэрнак і ў травелогу Веры Лойка “Шведскія канікулы”.

Леанід Галубовіч публікуе рэцэнзію на кнігу Хрысціны Лялько.

Нумар завяршаецца традыцыйным аглядам новых выданняў.

Прэс-служба ГА “Саюз беларускіх пісьменнікаў”