закрыць

Этнасвята “У госці да радзімічаў” пройдзе ў Чавускім раёне

06.08.2015 У краіне Культура

Этнасвята “У госці да радзімічаў”, заснаванае на падзеях і стылістыцы Х-ХІІ стагоддзяў, пройдзе 15 жніўня ў Чавускім раёне. Мерапрыемства ў другі раз збярэ ў аграгарадку Радамля аматараў беларускай гісторыі, паведаміла метадыст Чавускага раённага цэнтра культуры і вольнага часу Алеся Далецкая.

Фота з сайта mogilev.by
На пляцоўцы каля старадаўняга гарадзішча радзімічаў гасцей і турыстаў чакае тэатралізаванае прадстаўленне са старажытным абрадам рытуальнага вогнішча. Для акцёраў па спецыяльных эскізах рэканструявалі касцюмы Х-ХІІ стагоддзяў. “На мерапрыемстве будзе прадэманстраваны ўнікальны абрад “Турыца” : сем дзяўчат з віскам і крыкам уцякаюць ад хлопца, пераапранутага быком. Пасля забойства звера мужчыны з племя радзімічаў выбіралі сабе жонак”, – распавяла Алеся Далецкая.

Акрамя таго, усе жадаючыя змогуць наведаць атракцыёны, адпаведныя тэматыцы святы. Асаблівую ўвагу нададуць музычнаму суправаджэнню. На свяце выступяць этнакалективы з Хоцімска і Краснаполля, дудары з Магілёва і Мінска. Госці мерапрыемства змогуць атрымаць асалоду ад мелодый ліры і цымбалаў.

Падчас свята разгорнецца стылізаваны кірмаш, дзе будуць прадавацца вырабы майстроў і рамеснікаў вобласці, розная сувенірная прадукцыя, а таксама пройдуць майстар-класы. Адным з галоўных эпізодаў кірмашу стане кулінарнае свята. Стравы мясцовай кухні прадставяць жыхары Радомлі.

 

Марыя Ластачкіна, БелТА

 

Тэгі:

Апошняе
на Budzma.org

чытаць яшчэ

Папулярнае

чытаць яшчэ

Афіша

Выстава «Героі беларускіх казак, міфаў і легенд» у Віцебску

31.01.2025 16:00 - 20.04.2025 18:00 музей гісторыі прыватнага калекцыянавання (пр-т Фрунзэ, 13)
Віцебск Выставы

Выстава «Рай» у Віцебску

21.02.2025 17:00 - 20.06.2025 19:00 арт-прастора «Талстога, 7» (вул. Талстога, 7)
Віцебск Выставы
© 2008-2025, Budzma.org