Хочацца зрабіць класнае сэлфі ці фотаздымак з імпрэзы, але стандартная камера на вашым гаджэце не падабаецца? Не бяда! На прасторах маркета можна знайсці шмат альтэрнатыўных дадаткаў камеры, адна з якіх дакладна прыйдзецца вам даспадобы! Некаторыя найлепшыя варыянты мы сёння і разглядзім.
Simple camera
Трэба хуткая камера з мінімальным наборам і каб было хутка, зручна і без замарочак? Тады гэты дадатак дакладна для вас. Фактычна, з наладаў тут толькі памер фота, успышка, пераключэнне фота/відэа, франтальнай/асноўнай камеры ну і кароткае меню наладаў інтэрфейсу і захавання файлаў. І як бы ўсё, што можна сказаць пра гэтую прашраму – назва апраўдвае сутнасць!
Спасылка на спампоўку (Play market)
Open camera
Гэтая версія камеры падыдзе для аматараў вялікай колькасці наладаў і халявы. Але ёсць адно “але”: праграма з адкрытым кодам, таму не чакайце прыгожага інтэрфейсу і афармлення – з гэтым тут па-спартанску. А вось колькасць наладаў і функцый не можа не радаваць:
- Фота/відэа
- Рэжымы HDR, DRO, EXPO {}
- ISO, баланс белага
- Аўтаматычная стабілізацыя
- Налады памеру, GPS метак
- Поўная настройка працэсу і фармату здымкі
- Магчымасць падпісаць фота
- Таймер
- Пакетны рэжым
І шмат чаго іншага. Праграма выдатна падыдзе тым, каму важна даволі тонка настроіць свае здымкі і пры гэтым нічога не плаціць!
Bacon camera
Яшчэ адна камера з пашыранымі наладамі, але ўжо з лепшым інтэрфейсам і сваімі фішкамі. Самае першае, што адрознівае яе ад папярэдняга аплета, – наяўнасць рэжымаў здымкі, што для аматараў даволі зручна. Таксама тут ёсць выдатная функцыя прыбірання шуму, стабілізацыі і магчымасць здымаць панарамы!
Асноўны набор функцый наступны:
- Фота/відэа/панарама
- Рэжымы здымкі
- Функцыі двайной экспазіцыі, .GIF
- Налада хуткасці затвору
- ISO, баланс белага, кантраст, фокус
- Магчымасць захаваць у .RAW
Праграма бясплатная, але з ненавязлівай рэкламай. Падыдзе больш дасведчаным фатографам.
Camera fv-5
Можна сказаць, што гэта сапраўды ледзь не самая прафесійная камера для Android! Тут сапраўды якаснае і амаль поўнае рэгуляванне камеры ў прыемным інтуітыўным інтэрфейсе.
Сярод функцый:
- Баланс белага
- ISO
- Рэжым кампазіцыі
- Рэжым факусіроўкі
- Кампенсацыя экспазіцыі
- Кантроль экспазіцыі
- Фота/відэа
Але тут ёсць мінус – праграма мае платную версію, толькі ў ёй можна абіраць вялікія памеры фота. Інакш давядзецца карыстацца 2-3 МП. Хаця праграма не надта дарагая – усяго каля 4 даляраў.
HedgeCam 2
Наша апошняя камера – залатая сярэдзіна мінулых. Тут і добрая настройка, і шмат функцый пры прыемным інтэрфейсе і адсутнасці платнай версіі.
Сярод функцый HedgeCam 2:
- Фота/відэа
- Баланс белага
- ISO
- Рэжым факусіроўкі
- Рэжымы HDR, DRO, EXPO {}
- Паказчык вугла нахілу
- Аўтавыроўніванне
Таксама тут поўны камплект наладаў самога дадатку, каб здымка была як мага зручнейшай. Фактычна, найлепшая ўніверсальная праграма камеры для ўсіх!
Багдан Сакалоў
