Фестываль навукі адбываецца ў Варшаве ў 27-ы раз. Гэта — адна з самых заўважных адукацыйных падзей у краіне. Сёлета форум расцягнуўся на 2 тыдні і праходзіць пад слоганам «Навука — гэта падарожжа ў будучыню». У праграме прэстыжнай падзеі ёсць лекцыі і па беларускай мовы ды літаратуры.
Сустрэчы на тэму правядуць выкладчыкі кафедры беларусістыкі Варшаўскага ўніверсітэта.
Кандыдат філалагічных навук Катажына Дрозд-Урбаньска. Фота: радыё Ўнэт
25 версня, 13.00
Лекцыя «Калі ўлады бяруцца за мову...»
Што такое моўная палітыка? Якія інструменты выкарыстоўваюцца ў адносінах да афіцыйнай дзяржаўнай мовы або да мовы нацыянальнай ці этнічнай меншасці? На сустрэчы распавядуць пра ўніверсальную канцэпцыю моўнай палітыкі і раскажуць, як яна рэалізуецца ў Беларусі і іншых еўрапейскіх краінах.
Лекцыю прачытаюць кандыдаты філалагічных навук Вольга Трацяк і Ганна Сівірская
25 верасня, 15.00.
Лекцыя «Сучасная беларуская літаратура і палітычныя сітуацыя Беларусі — перспектывы і выклікі»
Сфальсіфікаваныя прэзідэнцкія выбары 2020 года і жорстка падаўленыя пратэсты — адна з тэм літаратуры апошніх трох гадоў. Аднак творы, прысвечаныя актуальным грамадска-палітычным праблемам, выходзяць за межамі Беларусі — як, напрыклад, кнігі Альгерда Бахарэвіча. Цяперашняя сітуацыя, у тым узмацненне рэпрэсій супраць крытыкаў рэжыму і праваабаронцаў, адсутнасць свабоды слова і пастаяннае павелічэнне колькасці палітвязняў і эмігрантаў, выклікаюць заклапочанасць і падштурхоўваюць да дыскусіі аб перспектывах беларускай творчасці.
Лекцыю чытае кандыдат філалагічных навук, даследчыца сучаснай беларускай літаратуры Катажына Дрозд-Урбаньска.
Навуковыя спатканні пройдуць на факультэце прыкладной лінгвістыкі Варшаўскага ўніверсітэта па адрасе Dobra, 55. Уваход вольны.
А з поўнай праграмай Фестывалю навукі можна азнаёміцца тут.
Budzma.org
