З 22 па 25 сакавіка ў Берліне Гётэ-Інстытут у выгнанні ладзіць вялікі міждысцыплінарны фестываль беларускай культуры.
Разнастайная праграма мерапрыемстваў фестывалю накіравана на тое, каб засяродзіць увагу на жыццяздольнасці і разнастайнасці беларускай культурнай сцэны ў дыяспары ў Германіі і за яе межамі.
Фестываль мае на мэце пабудаваць мост паміж беларускімі творцамі, якія вымушаны былі эміграваць у розныя кропкі свету пасля падзей 2020 года ў Беларусі.
Адной з асноўных пляцовак правядзення фестывалю стане незалежны мастацкі дом Kunsthaus ACUD.
Хто возьме ўдзел?
У фестывалі незалежнай беларускай культуры возьмуць удзел пісьменнікі, паэты, музыкі, філосафы, кінематаграфісты, мастакі і іншыя дзеячы сучаснай беларускай культуры (Саша Філіпенка, Альгерд Бахарэвіч, Юлія Цімафеева, Дзмітрый Строцаў, Вольга Шпарага, гурты KOOB, KRIWI і інш.).
Што ў праграме фестывалю?
- Дыскусіі
- Канцэрты
- Перформансы
- Прэзентацыя кніг
- Кінапаказы
- Варкшопы
- Спектаклі
Мерапрыемствы форуму будуць праходзіць на нямецкай, англійскай, беларускай і рускай мовах з перакладам.
Уваход на ўсе мерапрыемствы вольны.
Падрабязней з праграмай фестывалю беларускай культуры ў Берліне можна азнаёміцца тут.
