Фонд «Tutaka» абвесціў старт Конкурсу да Дня Роднай Мовы!
Тэрмін падачы заявак: да 31 студзеня 2025 года
Фінал адбудзецца 21 лютага 2025 17:00 у Беластоцкім тэатры лялек (Беласток, вул. Каліноўскага 1)
Гэта не толькі ваш шанец паказаць свае дэкламатарскія таленты, але і магчымасць выказаць сваю любоў да беларускай мовы ў яе розных формах!
Чытайце вершы так, як гэта робіце ў жыцці — на сваёй мясцовай гаворцы!
— Мы хочам, каб вы адчулі сябе свабодна і зручна, таму заахвочваем дэкламаваць на мясцовым дыялекце ці гаворцы, якая вам найбліжэй. Вашу адметную манеру выканання мы з радасцю ацэнім, — адзначаюць арганізатары.
Як прыняць удзел?
1. Выберыце свой любімы верш або частку твора.
2. Здыміце відэа чытання, нават на мясцовай гаворцы, і дасылайце яго разам з анкетай праз гэтую форму.
3. Будзьце гатовы да фіналу 21 лютага 2025 года ў Тэатры лялек (Беласток) або анлайн!
Уся інфармацыя і рэгламент па спасылцы.
Не прапусціце шанец паказаць, як вы любіце беларускую мову і літаратуру!
Усе пытанні можна даслаць на konkurs@tutaka.org, праз профіль у Facebook фундацыі.
