Ад пачатку вайны ва Ўкраіне становіцца ўжо тэндэнцыяй масавае скасаваньне сяброўскіх дачыненьняў між гарадамі Эўропы і Беларусі. Гарады-пабрацімы становяцца чужымі праз таксычнасьць зносінаў з беларускім, піша «Новы Час». На жаль.
Што такое гарады-пабрацімы?
Гэта гарады розных краінаў, якія маюць пагадненьні аб пабрацімстве і супрацоўніцтве ў эканамічнай, культурнай, гуманітарных сферах. Супрацоўніцтва гарадоў праяўляецца наступным чынам: абмен дэлегацыямі, мастацкімі і спартовымі калектывамі, выставамі, літаратурай, кінафільмамі і інфармацыяй аб досьведзе вядзеньня гарадзкой гаспадаркі. Акрамя гэтага, статус пабрацімаў мае на ўвазе падтрымку таго населенага пункту, які пацярпеў ад прыродных катаклізмаў, тэхнагенных катастрофаў, войнаў.
Першай парай гарадоў-пабрацімаў у сьвеце сталі ў 1944 Ковентры і Сталінград (Валгаград), як два зруйнаваных падчас вайны месца. Іранічным зьяўляецца тое, што ў 2022 Ковентры разарваў гэтае пагадненьне з Валгаградам у сувязі з нападам Расеі на Ўкраіну.
А што Беларусь?
У нас гэтыя парадненьні гарадоў пачаліся з 1950-х. Зараз больш за 30 гарадоў маюць падобныя сувязі. Але, як выявілася, іх можна і губляць, чым якраз і займаюцца пасьля 24 лютага беларускія гарады.
Давайце паглядзім.
Магілёў і Клайпеда
Гародня і Ўроцлаў
Баранавічы і Гдыня
Баранавічы і Елгава
Гародня і Беласток
Баранавічы і Бяла-Падляска
Баранавічы і Шаўляй
Браслаў і Мікалаеў
Магілёў і Мікалаеў
Гомель і Чарнігаў
Баранавічы і Палтава
І ўрэшце, сталіцы — Менск і Кіеў
Які горад будзе наступным?
Павел Хадзінскі, «Новы Час»
