Таямніцы мінулага, цікавыя факты, легендарныя асобы, шмат чаго невядомага вам раней з беларускай гісторыі вы зможаце даведацца ад доктара гістарычных навук, прафесара Алеся Краўцэвіча ў відэапраекце Budzma.org «Гісторыя за 5 хвілін». Гэтым разам знаёмімся з гісторыяй гродзенскай Каложы.
Чаму Каложская царква захавалася нашмат горш за Спаса-Праабражэнскі храм у Полацку? У чым унікальнасць гэтай гродзенскай царквы? Якія матэрыялы і тэхнікі выкарыстоўвалі ў час будаўніцтва? Якую гісторыю хаваюць таемные «рунічныя» знакі на плінфе ў сценах будынка? Ці ёсць патаемны ход у муры царквы? Навошта ў сцены храма ўмуроўвалі збаны? Чаму правая частка царквы вось ужо больш за стагоддзе з дрэва? На гэтыя пытанні адказвае гісторык Алесь Краўцэвіч у новым відэа.
Ведаць гісторыю сваёй Радзімы — абавязак сапраўднага грамадзяніна. Гэтая навука распавядае пра жыццё мінулых пакаленняў, іх унутраныя стасункі паміж сабой, знешнія дачыненні з суседзямі. Гісторыя ўказвае на памылкі мінулых часоў і вучыць не рабіць іх наноў. У гэты няпросты час «Будзьма беларусамі!» прапануе пачаць вывучаць або пашырыць свае веды па гісторыі Беларусі разам з вядомым гісторыкам і археолагам Алесем Краўцэвічам, які зробіць экскурс ад самых старадаўніх часоў нашай мінуўшчыны да атрымання Беларуссю незалежнасці.
Вас чакае гісторыя развіцця продкаў сучасных беларусаў, іх культура, гісторыя войнаў, загадкі з жыцця вядомых асобаў і аналітычныя высновы ад Алеся Краўцэвіча пра тое, чаму стужка мінулых часоў у пэўныя моманты паварочвала так, як вядома нам цяпер, а не іначай.
Глядзіце яшчэ:
Полацкі Сафійскі сабор – першы мураваны будынак у гісторыі Беларусі
Наступным разам гутарка пойдзе пра грамадскае і культурнае жыццё на беларускіх землях перад пачаткам фарміравання Вялікага Княства Літоўскага.
Папярэднія выпускі глядзіце па спасылцы.
Калі вам падабаюцца нашыя відэапраекты і аўтарскія артыкулы, вы можаце падтрымаць рэдакцыю «Будзьмы», набыўшы нам кубачак кавы. Гэта дапаможа нам стварыць больш цікавых відэаролікаў і арыгінальных артыкулаў.