На дзіцячым ютуб-канале «Будзьма дзецям» выйшаў новы выпуск адукацыйнага відэапраекта для дзяцей "Разумняты". Гэтым разам цікава і ў даступнай для дзяцей форме распавядаем галоўнае пра Вялікую Айчынную вайну.
У новым выпуску даведаемся:
Якія бываюць войны. Калі і паміж кім адбыліся І Сусветная і ІІ Сусветная войны. Чаму вайну 1941—1945 гадоў называюць Вялікай Айчыннай. Які беларускі горад першым прыняў удар. Хто такія партызаны і падпольшчыкі, што яны рабілі ў гады вайны. Што такое акупацыя і навошта ствараліся канцэнтрацыйныя лагеры. Як называлася маштабная аперацыя па вызваленню Беларусі ад захопнікаў. Пра што нагадваюць званы Хатыні. Як Беларусь увайшла ў склад Арганізацыі Аб'яднаных Нацый.
А для самых кемлівых мы падрыхтавалі цікавыя заданні па тэме, якія можна раздрукаваць, спампаваўшы дадатак па спасылцы.
Трэці сезон «Разумнятаў» створаны ў адпаведнасці са школьнай праграмай па прадмету «Чалавек і свет: мая Радзіма — Беларусь» для 4 класа. Цяпер атрымліваць веды ў школе не толькі карысна, але і цікава. А пад кожным відэа вы знойдзеце дадаткі і заданні.
Усе выпускі відэапраекта «Разумняты» глядзіце па спасылцы.
«Будзьма дзецям» — пазнавальны, забаўляльны, адукацыйны ютуб-канал для дзяцей і іх бацькоў. Падпісвайцеся самі і падпішыце вашых дзетак!
Калі вам падабаюцца нашыя відэапраекты і аўтарскія артыкулы, вы можаце падтрымаць рэдакцыю «Будзьмы», набыўшы нам кубачак кавы. Гэта дапаможа нам стварыць больш цікавых відэаролікаў і арыгінальных артыкулаў.
