закрыць

Гарадзенскае прадстаўленне “Прэс-фота Беларусі”

07.12.2012 Мастацтва

Беларускія фатографы Юлія Дарашкевіч і Вадзім Заміроўскі прадставілі гарадзенцам “Прэс-фота Беларусі” ў памяшканні, якое арандуе незалежны Саюз палякаў. Вёў імпрэзу рэдактар “Твайго Стылю”, журналіст і перакладчык Аляксей Шота.

— Выстава прыехала ў Горадню ўжо трэці раз. Тут мы заўсёды паказваем свае здымкі, якіх сёлета 280, — расказаў Аляксей.

Апроч самой выставы прысутным паказалі маленькія фільмы, дасланыя на конкурс мультымедыя, які сёлета ладзіўся ўпершыню.

— Я не памятаю такой колькасці людзей на нашых выставах — кажа Юлія Дарашкевіч. — Я радая ўсіх вас бачыць. Мне вельмі прыемна адкрываць гэтую выставу, таму што я сама гарадзенка. І для мяне вельмі важна тое, што ў гэтым годзе выстава паказваецца фактычна без цэнзуры. Мы кожны раз стаім перад выбарам: папрасіцца ў галерэю, даступную для ўсіх, і правесці сеанс самацэнзуры, прыбраўшы палітычныя альбо вострасацыяльныя здымкі, альбо правесці прэзентацыю ў нефармальным памяшканні.

Гарадзенцы змогуць убачыць выставу да 10 снежня.

Андрэй Мялешка
Фота Андрэя Мялешкі і Аляксандра Саенкі

Апошняе
на Budzma.org

чытаць яшчэ

Папулярнае

чытаць яшчэ

Афіша

Дзяніс Дудзінскі ва Уроцлаве

18.01.2026 17:00 - 18.12.2026 18:00 Клуб Proza (Przejście Garncarskie 2)
Уроцлаў Канцэрты

Выстава "Святло намаляванага дзяцінства" ў Мінску

26.02.2026 17:00 - 13.05.2026 19:00 музей гісторыі беларускага кіно (вул. Свярдлова, 4)
Мінск Выставы
© 2008-2025, Budzma.org