Калі вы раптам яшчэ не вызначыліся, як цікава і з карысцю правесці выходныя, мы падкажам. Сямейны фэст, купалле, майстар-клас, спевы, лекцыя, канцэрт, фестываль беларускай традыцыі — выбірайце мерапрыемствы ў сваім горадзе і на свой густ!
Беларусь
Мінск і Мінская вобласць
Сямейны фестываль Bookids у Мінску
Гэтымі выходнымі, 17 і 18 чэрвеня, у Мінску зноў сямейны фэст Bookids. Гэтым разам яго тэма — прафесіі. На розных пляцоўках, раскіданых па батанічным садзе, дзеці змогуць даведацца пра розныя прафесіі: паспрабаваць сябе садоўнікам, акцёрам, спартсменам, пекарам, блогерам, банкірам, хімікам, айцішнікам ці садаводам. Кім заўгодна! Будзе больш за 100 прафесій — і мноства тэматычных пляцовак, майстар-класаў і іншых актыўнасцей.
Купалле ў Дукоры
У суботу, 17 чэрвеня, у Дукорскім маёнтку — Купалле! Праграма вельмі насычаная! Завітвайце! Не пашкадуеце!
Віцебск
Купалле ў Віцебску
У нядзелю, 18 чэрвеня, у арт-прасторы «UPGRADE» святкуюць Купалле! Вас чакае: кірмаш, тэатралізаваная імпрэза, майстар-класы па пляценні вяночкаў, ганчарстве, народных танцах, спевах і гульнях, жывая музыка і шмат чаго іншага. Завітвайце!
Гомель
Майстар-клас па сожскай скані ў Гомелі
Вы зможаце стварыць непаўторныя завушнічкі! Дапаможа вам майстар Міхаіл Лізагуб.
«Сожская скань» — неверагодна прыгожая тэхналогія інкрустацыі драўнянай стружкай. Адрадзіў яе ў 1990-я гады Уладзімір Валянцінавіч Цакуноў. Таму называюць яе яшчэ «гомельскай сканню» ці «Цакуноўкай».
Тэхналогія гэтая — выключна мясцовая з’ява і фактычна адзіны від дэкаратыўна-прыкладнога мастацтва, які ўзнік на Гомельшчыне ў XX стагоддзі.
Гродна
Імпрэза «Адзін дзень з жыцця горада Гродна XVI ст.» у Гродне
У суботу, 17 чэрвеня, у Старым замку адкрываецца пасля рэканструкцыі Алебастравая зала. З гэтае нагоды будзе файная імпрэза «Адзін дзень з жыцця горада Гродна XVI ст.». Праграма насычаная: і батлейку пакажуць, і майстар-класы зладзяць, і экскурсіі правядуць.
Літва
Вільня
Лекцыя Ірыны Рагавец «Жанчына ў кантэксце мастацтва і культуры» ў Вільні
У суботу, 17 чэрвеня, у CreateCulture Space — лекцыя ўкраінскай мастачкі Ірыны Рагавец «Жанчына ў кантэксце мастацтва і культуры».
Абмяркуюць, якім чынам жанчыны выкарыстоўвалі кантэкст у мастацтве і культуры, для ўсведамлення сваёй індывідуальнасці і выказвання сваіх ідэй.
Польшча
Беласток
Фестываль беларускай традыцыі SONCAHRAJ на Падляшшы
18 чэрвеня, сустракаемся ў Цясным каля Супрасля.
На супольнай бяседзе зайграюць і заспяваюць:
«Журавінкі»
«Жэмэрва»
«Беларускі цуд» (Літва)
Капэла «Колісьнія» (Беларусь)
І канешне:
«Спеўны сход», які правядзе Сяржук Доўгушаў,
майстар-класы традыцыйнага падляскага ручніка з Алінай Дэмбоўскай
кірмаш мясцовых Колаў Вясковых Гаспадынь.
Торунь
Міжкультурны сямейны пікнік у Торуні
У суботу, 17 чэрвеня, этнаграфічны музей Торуня ладзіць «Абмен традыцыямі — Міжкультурны сямейны пікнік»! І беларусы бяруць удзел! Абменьвацца прапануюць беларускімі, украінскімі, армянскімі, эфіопскімі, руандыйскімі, а таксама польскімі традыцыямі.
На Беларускай пляцоўцы вы даведаецеся пра Беларусь. Тут будуць спяваць беларускія песні, танчыць беларускія танцы і весяліцца. Вы ўбачыце элементы беларускіх строяў, рамесніцкія вырабы і беларускія прысмакі.
Варшава
Спевы на лаўцы ў Варшаве
У суботу, 17 чэрвеня, у Варшаве будзе адкрытая спеўная сустрэча з Ягнай Кнітэль.
Будуць развучваць ды спяваць беларускія песні. Ніякага досведу не патрэбна — адно толькі жаданне спяваць!
Швецыя
Стакгольм
Купалле ў Стакгольме
Вас чакаюць вясёлыя конкурсы, танцы, песні, пляценне вяночкаў, пошук папараць-кветкі і шмат чаго іншага і цікавага.
Грузія
Тбілісі
ŠUMA, «Пятля Прыхільнасці» і «Sonic Death» на адной сцэне: Side Festival у Тбілісі
У нядзелю, 18 чэрвеня, у Тбілісі — Side Festival! Трэба ісці, бо гэта ж ŠUMA і «Пятля Прыхільнасці» ў адзін вечар! А колькі яшчэ іншых крутых музыкаў!
Місія вечарыны — зрабіць так, каб побач апынуліся розныя супольнасці і віды музыкі, стварыць такую атмасферу, у якой усе адчуваюць сябе звязанымі і блізкімі.
Больш беларускіх падзеяў шукайце ў нашай Афішы.
Каб не прапусціць нічога цікавага, раім падпісацца на адмысловы тэлеграм-бот «Будзьма разам!», які дапамагае падпісчыкам незалежна ад месца пражывання даведацца пра беларускія мерапрыемствы ў сваім горадзе, краіне і нават па ўсім свеце!
А па гэтай спасылцы можна знайсці афішу бясплатных мерапрыемстваў. Больш беларускіх падзеяў шукайце ў нашай Афішы.
