З пятніцы ўласны карэспандэнт газеты «Народная Воля» знаходзіўся ў ізалятары часовага ўтрымання ў Гродна, паведамляе выданне.
Па папярэдняй інфармацыі, у пятніцу пасля абеда да яго наведаліся з вобыскам. З якой нагоды і якія службы мелі да яго прэтэнзіі — дакладна невядома. Суседзі кажуць, што ў яго канфіскавалі тэхніку.
Цікава, што інфармацыю пра тое, дзе ўсе гэтыя дні знаходзіўся Міхаіл Карневіч, даведацца было не так і проста. Ён — чалавек адзінокі, а інфармацыю прадастаўляюць толькі блізкім і сваякам, спасылаючыся на закон аб абароне персанальных дадзеных.
Спадземся, што Міхаіл хутка будзе на свабодзе і сам зможа распавесці пра тое, што з ім здарылася.