Баскетбольны клуб “Цмокі-Мінск” пры падтрымцы кампаніі “Будзьма беларусамі!” падвёў вынікі конкурсу “Мой найлепшы сябар цмок” – вызначыў найлепшых маленькіх мастакоў, якія намалявалі галоўную беларускую фантастычную істоту.
“Вельмі прыемна ўсведамляць, што сёлета мы атрымалі на парадак болей працаў, чым у мінулым годзе, –кажа дырэктар па маркетынгу баскетбольнага клуба “Цмокі-Мінск” Аляксандр Куль. – Цяпер мы чакаем маленькіх мастакоў разам з бацькамі ў якасці заўзятараў на стадыёнах”.
Прайсці міма такога конкурсу кампанія “Будзьма беларусамі!” не магла і ўзнагародзіла пераможцаў стылёвымі саколкамі.
“Мы лічым, што Беларусь цалкам можна назваць краінай цмокаў, і нам надзвычай прыемна, што гэтая фантастычная істота набывае новых прыхільнікаў, – кажа прадстаўнік кампаніі. – Да таго ж мы не маглі не далучыцца да конкурсу, які ладзяць нашыя сябры з клуба “Цмокі-Мінск”. Шануйце цмокаў і сябруйце з імі”.
Вынікі конкурсу былі падведзеныя падчас урачыстага закрыцця баскетбольнага сезона – з дэфіле маладых каманд, а таксама выступамі былых гульцоў NBA.
А цяпер прапануем пазнаёміцца з аўтарамі найлепшых маляваных цмокаў.
Найлепшымі работамі сталі малюнкі:
Баравік Дар’і (13 гадоў ), Мінск
Вістуновай Даны (11 гадоў ), Полацк
Сапажковай Надзеі (5 гадоў ), Мінск
Прыз сімпатый журы атрымаў Патапчук Радзім з Мінска (5 гадоў) як адзін з самых маленькіх удзельнікаў
Таксама мастацкі гурток “Золак” падрыхтаваў малюнкі ў фармаце А3. Клуб выказвае ўдзячнасць педагогу мастацкага гуртка за удзел у конкурсе, а заахвочвальныя прызы атрымліваюць:
Галаўская Маргарыта (12 гадоў), Мінск
Церахава Маргарыта (7 гадоў), Мінск
Астаніна Юля (7 гадоў), Мінск
Тарашкевіч Паліна (7 гадоў), Мінск
Мікалай Левертаў, фота Зарыны Кандрацьевай
