Член экіпажа Міжнароднай касмічнай станцыі (МКС) ураджэнец Беларусі Алег Навіцкі сыграе пацярпелага касманаўта ў мастацкім фільме «Выклік», першым фільме, што будзе здымацца на арбіце, паведаміў рэжысёр стужкі Клім Шыпенка. Пра гэта інфармуе «Добры канал» са спасылкай на «Інтэрфакс-Захад».
Па словах Шыпенкі, сцэнарый быў трохі адаптаваны пад характары касманаўтаў, якія знаходзяцца зараз на МКС. Запуск карабля «Саюз МС-19» запланаваны на 5 кастрычніка. На ім на станцыю павінна прыбыць здымачная група фільма «Выклік» — рэжысёр Клім Шыпенка, актрыса Юлія Перэсільд, а таксама камандзір карабля касманаўт Антон Шкаплераў (іх дублёры — касманаўт Алег Арцем’еў, кінааператар Аляксей Дудзін і актрыса Алена Мардовіна). Яны зоймуцца здымкамі першага мастацкага фільма ў космасе. Па даных «Раскосмасу», экіпаж вернецца на Зямлю 17 кастрычніка