закрыць

Кірыла Анохін / “Паглядзі на зіму і ніколі так не рабі”

21.02.2011 Навіны "Будзьма!" Чорна-белыя вершы

***
паглядзі на зіму
і ніколі
так
не рабі

***

адклаў заўтра
на чорны дзень
каб яно ўсё ж такі настала
калі што

***

хацеў выбіць шыбы
а там вясна
хацеў разьбіць голаў
а там ты

***

на небе няма вёдраў
яно проста лье
як зь вядра

і між намі ня ноч
а проста цёмна
як ноччу

і мы не адны
мы проста цэлае
як адно

пакуль ня стала сьветла
пакуль ня скончыўся дождж
і мы ляжым тут удваіх
давай спадзявацца
што нас ніхто не заб’е
а мы проста будзем спаць
як забітыя

***
вось і дажыў да вясны

перажыць бы

***
адзінота разьліваецца па зямлі
растуць хвалі новага
сусьветнага патопу
сыходзячы пад ваду
бласлаўляю ўсіх
хто збудаваў свой каўчэг
і знайшоў сабе пару

***
там звонку
на кожнай вуліцы
халодна, мокра і брудна –
ты нікуды не выходзіш
з галавы

***
хто калі ня я
каго
калі не цябе

***
зьвесткі
пра самых шчасьлівых
людзей
да нас
не дайшлі
мы
мусім дайсьці
да іх
самі

усе відэа праекту
інфармацыя аб праекце “Чорна-белыя вершы”
___________

Пра аўтара:

Кірыла Анохін

Кірыла Анохін — паэт. Нарадзіўся ў 1987 г. ў Мінску. У 2009 г. скончыў гістарычны факультэт БДУ. Пераможца фестывалю аднаго верша ў Мінску (2011). Аўтарскі сайт.

Апошняе
на Budzma.org

чытаць яшчэ

Папулярнае

чытаць яшчэ

Афіша

Выстава «У кожнага свой Купала!» у Мінску

23.01.2025 17:00 - 07.04.2025 19:00 музей Янкі Купалы (вул. Янкі Купалы, 4)
Мінск Выставы

Выстава «Героі беларускіх казак, міфаў і легенд» у Віцебску

31.01.2025 16:00 - 20.04.2025 18:00 музей гісторыі прыватнага калекцыянавання (пр-т Фрунзэ, 13)
Віцебск Выставы

Выстава «Мода. Паміж прыгажосцю і прымусам» у Мінску

14.02.2025 18:00 - 13.04.2025 20:00 Нацыянальны цэнтр сучасных мастацтваў (пр-т Незалежнасці, 47)
Мінск Выставы
© 2008-2025, Budzma.org