У бібліятэчцы часопіса «Дзеяслоў» выйшла новая кніга паэткі Валянціны Аксак пад назвай «Трэці Эдэм».
Гэта самая распусная кніга, — скажа каторы чытач. І слушна. А іншы запярэчыць, што самая цнатлівая. І будзе мець рацыю. Межы раю і пекла рухомыя і яны пралягаюць праз усе дзевяноста вершаў дзявятай кнігі Валянціны Аксак. У яе «Трэцім Эдэме» гібее разбэшчанасць першага, сохне пыхлівасць другога, набухаюць бутоны ўсёдаравальнага новага.
Верш з кнігі
Малодзіва лілеяў
халадзее ўвечар,
і ўжо не зразумець,
ці шэрань ранішняя
цяпло пялёсткаў загасіла
ці выпіла яго
паўдзённая сухмень
тваіх шурпатых вуснаў.
Купіць кнігу можна ў Акадэмкнізе, Светачы, Ведах і Цэнтральнай кнігарні.
Замовіць з дастаўкай па Мінску і дасылкай па Беларусі і па свеце ў інтэрнэт-кнігарнях: Knihi.by і Тэхналогія.
