Дарагія сябры, у вас ёсць магчымасць выйграць цудоўны заплечнік ад кампаніі «Будзьма беларусамі!» і паштоўку ад Ганны Янкуты.
Распавядаем, якім чынам. Памятаеце казку пра Ката Шпрота і зніклы мышамабіль, якую мы чыталі ўчора? Дык вось! Вам трэба:
- намаляваць, якім вы ўяўляеце той самы мышамабіль;
- даслаць фота малюнка з подпісам (імя, прозвішча мастака, населены пункт, у якім пражывае і ўзрост) на нашу скрыню: budzmahistory@gmail.com.
Калі ласка, у тэме ліста пазначайце «конкурс_2».
Пераможцу будзе абіраць Ганна Янкута — аўтарка казкі. Лісты з малюнкамі трэба даслаць да 1 ліпеня 2021 года. Вынікі конкурса будуць аб’яўленыя 15 ліпеня на чарговай сустрэчы ў творчай анлайн-прасторы PartyZonа.
Поспехаў!
