Таямніцы мінулага, цікавыя факты, легендарныя асобы, шмат чаго невядомага вам раней з беларускай гісторыі вы зможаце даведацца ад доктара гістарычных навук, прафесара Алеся Краўцэвіча ў відэапраекце Budzma.org «Гісторыя за 5 хвілін». Гэтым разам гісторык распавядзе пра таямнічы лёс галоўнай беларускай святыні.
Хто стварыў крыж Святой Еўфрасінні? Ці шмат гэта каштавала на тагачасныя грошы? З якіх матэрыялаў і якім чынам выраблялася святыня? Які праклён хавалі надпісы на Крыжы? Хто з захопнікаў не пабаяўся праклёну і вынес Крыж з храма? Хто вінаваты ў знікненні Крыжа ў часы Другой сусветнай вайны, і дзе меркавана ён знаходзіцца сёння? Ці існуе копія крыжа Святой Еўфрасінні? На гэтыя пытанні ў чарговым выпуску праграмы адказвае гісторык Алесь Краўцэвіч.
Ведаць гісторыю сваёй Радзімы — абавязак сапраўднага грамадзяніна. Гэтая навука распавядае пра жыццё мінулых пакаленняў, іх унутраныя стасункі паміж сабой, знешнія дачыненні з суседзямі. Гісторыя ўказвае на памылкі мінулых часоў і вучыць не рабіць іх наноў. У гэты няпросты час «Будзьма беларусамі!» прапануе пачаць вывучаць або пашырыць свае веды па гісторыі Беларусі разам з вядомым гісторыкам і археолагам Алесем Краўцэвічам, які зробіць экскурс ад самых старадаўніх часоў нашай мінуўшчыны да атрымання Беларуссю незалежнасці.
Вас чакае гісторыя развіцця продкаў сучасных беларусаў, іх культура, гісторыя войнаў, загадкі з жыцця вядомых асобаў і аналітычныя высновы ад Алеся Краўцэвіча пра тое, чаму стужка мінулых часоў у пэўныя моманты паварочвала так, як вядома нам цяпер, а не іначай.
Наступная відэасустрэча завершыць знаёмства з рэлігійнай гісторыяй і гісторыяй мураванага дойлідства Полаччыны.
Калі вам падабаюцца нашыя відэапраекты і аўтарскія артыкулы, вы можаце падтрымаць рэдакцыю «Будзьмы», набыўшы нам кубачак кавы. Гэта дапаможа нам стварыць больш цікавых відэаролікаў і арыгінальных артыкулаў.
