Пяць дзён таму яму раптоўна стала кепска, з’явіліся праблемы з ныркамі. Пасля здарыўся інсульт. Яго перавялі ў рэанімацыю, але не ўратавалі, піша "Наша ніва".
Раман Цымбераў нарадзіўся 8 чэрвеня 1981 года ў Ейску Краснадарскага краю Расіі.
У Беларусі ён працаваў выкладчыкам у каледжы і ўніверсітэце.
Яшчэ ў 2001 годзе стаў індывідуальным прадпрымальнікам у кніжным гандлі. Ён выдаваў як мастацкую літаратуру, так і нон-фікшн. Яго крама і стэнды на кніжных выставах былі культавымі.
Яго раптоўная смерць — вялікі ўдар для беларускай культуры і мінскай грамадскай прасторы.
