Калі вы раптам яшчэ не вызначыліся, як цікава і з карысцю правесці выходныя, мы падкажам. Выставы, квэст, фотасафары ў гарадах Беларусі, спектакль і фотавыстава ў Варшаве, канцэрт у Вене — выбірайце мерапрыемствы ў сваім горадзе і на свой густ!
Крыніца: kupibonus.ru
Беларусь
Мінск
Зборніку «Спадчына» Янкі Купалы — 100 гадоў! Выстава ў Мінску
Вы пабачыце рукапісы Янкі Купалы, публікацыі ў перыёдыцы і асобнікі кнігі-юбіляра, лісты паэта ды іншыя артэфакты, звязаныя з выхадам зборніка.
Па якім мінскім адрасе жыў Янка Купала, якімі вуліцамі хадзіў на працу, каму пашчасціла атрымаць экскурсію па горадзе ад дзядзькі Янкі — будуць вам адказы на тыя ды многія іншыя пытаннечкі.
Галоўная ж разыначка выставы — прыжыццёвы сюжэтны партрэт Янкі Купалы, які стварыў у 1921 годзе Дзмітрый Полазаў да Першай мастацкай выставы ў Мінску.
Падрабязней тут.
Брэст
Квэст у берасцейскім Пятым форце
Вас чакае лінейны квэст з мноствам загадак, падчас якога вы пазнаёміцеся з гісторыяй Пятага форта ў падрабязнасцях
Падрабязней тут.
Гомель
Фотасафары «Дзікае Палессе» ў Нацпарку «Прыпяцкі»
Дзясяткі кіламетраў ашаламляльнай прыгажосці лакацый: велічная Прыпяць, поймавыя лугі і дубровы, шматлікія старыцы і азёры — усё ў вашым распараджэнні.
Увесь дзень удзельнікі будуць паляваць на ўнікальныя кадры карчоў, галінак, алеючых аленяў, якія равуць, павучкоў, птушак, прыгожых пейзажаў і здымаць відэа пра нацыянальны парк.
Падрабязней тут.
Польшча
Кракаў
Гістарычны квэст «Шляхамі Францыска Скарыны» ў Кракаве
Узгадаць і натхніцца жыццёвым шляхам пана Францішка ў форме цікавага і пазнавальнага гістарычнага квэста запрашаюць усіх ахвотных.
Падрабязней тут.
Варшава
Прэм’ера «Рамантыкі» Міцкевіча ў Варшаве ад Купалаўцаў
Падрабязней тут.
Выстава-экспірыэнс «Я хачу дадому» ў Варшаве
Тут будуць фотказдымкі Мінска ад фатографаў, якія таксама не могуць вярнуцца дадому.
А яшчэ вы пачуеце гукі Мінска, зможаце паглядзець дакументальны фільм пра думкі беларусаў, якія хочуць дадому, і нават (калі захочаце) далучыцца да яго.
У бяспечнай прасторы вы зможаце дакрануцца да балючых ці заблакаваных успамінаў і пачуць, што вы не адны ў вашым болю.
Аўстрыя
Вена
Лявон Вольскі ў Вене
Легенда беларускага рок-н-ролу, канцлер айчыннай рок-сцэны, вялікі і вусцішны Лявон Вольскі грае вялікі электрычны канцэрт у Вене. А такое нельга прапусціць!
Калі сярод прапанаваных варыянтаў не знайшлося нічога па душы, раім выправіцца ў вандроўку па Беларусі. Скласці цікавы маршрут дапаможа наша рубрыка «Вандруем разам». Вось, да пракладу, некалькі магчымых варыянтаў, куды варта з’ездзіць і што паглядзець:
7 цудаў Пастаўшчыны: гайд ад «Будзьма!»
«Слава Воршы ўжо ня горша». Што паглядзець у легендарным беларускім горадзе?
«Маленькі Парыж» і цудадзейныя «Паклонныя камяні». Маршрут на выходныя па Дзятлаўшчыне. Частка 4
Каб не прапусціць нічога цікавага, раім падпісацца на адмысловы тэлеграм-бот «Будзьма разам!», які дапамагае падпісчыкам незалежна ад месца пражывання даведацца пра беларускія мерапрыемствы ў сваім горадзе, краіне і нават па ўсім свеце!
Карыстацца ім вельмі проста: выбірайце той ці іншы горад або ўсю краіну, падпісвайцеся асобна на ўсе анлайн-мерапрыемствы ці выбірайце варыянт all inclusive — усе беларускія падзеі свету (у тым ліку і анлайн-мерапрыемствы). А пасля — сачыце за беларускім дзвіжам і далучайцеся!
А па гэтай спасылцы можна знайсці афішу бясплатных мерапрыемстваў.
