Выстава «Прыгажосць традыцыі» пройдзе ў Цэнтры беларускай культуры і супольнасці з 3 па 12 лістапада. Экспазіцыя беларускіх строяў і прыкрасаў прымеркаваная да Дзядоў. Расказваем, што і калі пакажуць.
Што можна будзе ўбачыць
- традыцыйныя беларускія строі і сучаснае этнаадзенне
- старадаўнія ручнікі і ручнікі сучасныя з вышыўкай
- самыя розныя паясы, торбачкі, хусткі, прыкрасы і многае другое
Таксама ў межах выставы вас чакае серыя лекцый і майстар-класаў.
Праграма выставы «Прыгажосць традыцыі»:
3.11, 18:30. Адкрыццё выставы.
7.11, 18:30. Лекцыя «Традыцыйны беларускі строй».
8.11, 18:30. Майстар-клас у Жаночым Клюбе «Ткацтва паясоў на бёрдзечку» (трэба мець пры сабе бёрда, але можна прыйсці і проста ў якасці слухача).
10.11, 18:30. Лекцыя і майстар-клас «Лялька-матанка» (усе матэрыялы выдаюцца на месцы).
11.11, з 15:00 да 17:00. Свята «Дзяды» (падрабязная праграма мерапрыемства будзе апублікаваная ў нашых сац.сетках пазней, асобна).
Бонус: сумесна з праектам «Слуцкі пояс для Вільні» рыхтуюцца яшчэ два адмысловыя майстар-класы, на якіх вы зможаце зрабіць сваімі рукамі рэч, натхнёную ўзорамі Слуцкіх паясоў:
29.10, 17:00: у тэхніцы бісернага ткацтва (усе матэрыялы выдадуць на месцы).
5.11, 17:00: у тэхніцы вышыўкі мастацкай гладдзю (для кожнага ўдзельніка будзе персанальна падрыхтаваны ўзор, таму патрабуецца папярэдняя рэгістрацыя.
⠀
Экспазіцыя будзе працаваць з 3 па 12 лістапада.
Чытайце яшчэ: Выйшла кніга пра стваральнікаў Слуцкіх паясоў