Заняткі ладзіць «Віртуальны Універсітэт». Падаць заяўку на курсы можа кожны жадаючы.
Заняткі будуць праходзіць 25 кастрычніка, 1, 8 і 15 лістапада з 19:00 да 20:00. Для ўдзелу вам патрэбен будзе кампутар і мабільны тэлефон, які дазваляе здымаць відэа.
Вядучая курса Дар’я Трайдэн — пісьменніца, мастачка, журналістка, рэжысёрка дакументальнага кіно. Скончыла факультэт журналістыкі БДУ. Прафесійна вядзе акаўнты ў Instagram і TikTok.
На курсе ўдзельнікі пазнаёмяцца з прыкладамі блогаў цікавых людзей у TikTok. Вы зможаце выбраць найбольш камфортны для вас спосаб падачы інфармацыі, натхніцца тымі, хто пачаў весці TikTok — у тым ліку ў сталым узросце і дасягнуў у гэтым поспехаў.
У заняткаў будзе практычная частка, якая дазволіць пазнаёміцца з адмысловымі эфектамі і мантажнымі прыёмамі TikTok. Таксама на курсе будуць хатнія заданні.
Зарэгістравацца на курс можна па спасылцы.
