Еўрапейскі гуманітарны ўніверсітэт (ЕГУ) запрашае вучняў старэйшых класаў і выпускнікоў беларускіх школ, гімназій і ліцэяў да паступлення на адмысловыя Курсы падрыхтоўчага года ў Вільні і ў Мінску. Па выніках завяршэння гадавой праграмы слухачы Курсаў будуць аўтаматычна залічаны ў склад студэнтаў універсітэта.

Падчас распрацоўкі Курсаў падрыхтоўчага года ЕГУ ставіў перад сабой мэту стварыць адмысловы навучальны план, які дазваляе абітурыентам палепшыць узровень валодання англійскай мовай і навыкі выконвання эсэ ці кампазіцыі. Інтэнсіўная 800-гадзінная праграма Курсаў таксама ўключае заняткі па ўводзінах у гуманітарныя навукі і семінары па праектнай дзейнасці, якія даюць усе неабходныя навыкі для далейшага навучання ў ЕГУ.

У 2015-16 навучальным годзе Курсы падрыхтоўчага года паспяхова завершылі 16 слухачоў, якія былі аўтаматычна залічаныя на абраныя імі бакалаўрскія праграмы ЕГУ. Тым са студэнтаў, якія прадэмантсравалі найбольш высокую акадэмічную паспяховасць у восеньскім семестры, была прадстаўленая зніжка ў 50% на праходжанне курсаў вольнага выбару. Яшчэ на Курсах падрыхтоўчага года будучыя студэнты ЕГУ пачалі паўнавартаснае навучанне на абранай імі бакалаўрскай праграме і здолелі паменьшыць будучую навучальную нагрузку. Больш за тое, слухачы, якія паспяхова прайшлі Курсы, атрымалі зніжку ў 10% на свой тарыф навучання ў восеньскім семестры 2016-17 вучэбнага года.

Для паступлення на Курсы падрыхтоўчага года не патрэбна здаваць іспыты. Старшакласнікам і выпускнікам школ, гімназій і ліцэяў неабходна да 9 верасня запоўніць электронную анкету і прайсці сумоўе.

Навучанне па Курсах падрыхтоўчага года працягваецца ўвесь вучэбны год і ажыццяўляецца ў двух фарматах: у Вільні і ў Мінску.

 Гадавы кошт навучання складае €1400 (у Вільні) ці €700 (у Мінску). Слухачам курсаў, якія будуць праходзіць навучанне ў Вільні прапаноўваецца бясплатная візавая падтрымка і магчымасць пражывання ў студэнцкім інтэрнаце.

Кантактная асоба: Максімас Мілта, maksimas.milta @ ehu.lt, +370 602 65149