Free Belarus Center сумесна з Action Institute запрашае беларускіх актывістак — як тых, хто знаходзіцца ў Беларусі, так і тых, хто пакінуў краіну — прыняць удзел у 3-х месячнай праграме. Яе ўдзельніцы будуць працаваць над праектнымі ідэямі, падзеляцца сваім лідарскім досведам з іншымі, а таксама атрымаюць магчымасць фінансавай падтрымкі сваёй грамадскай ініцыятывы.
Хто можа ўдзельнічаць:
Прадстаўніцы НДА, актывісткі і тыя, у каго ёсць ідэі грамадскаважных ініцыятыў.
Праекты павінны быць трох асноўных напрамкаў:
• прасоўванне гендэрнай роўнасці і барацьба з гендэрнай дыскрымінацыяй;
• падтрымка, развіццё і адаптацыя беларусаў і беларусак у міграцыі;
• развіццё грамадзянскай супольнасці ўнутры краіны;
Падаць заяўку на ўдзел можна па спасылцы не пазней за 25 лютага ўключна.
Падчас акселератара вы зможаце ўзмацніць навыкі:
• праектнага кіравання ў грамадскай сферы;
• фандрайзінга для грамадскіх праектаў;
• эфектыўнай камунікацыі і прасоўвання ініцыятыў;
Акселератар стартуе ў 20-х чыслах сакавіка з 3-х дзённай афлайн трэнінг-праграмай за мяжой. Лакацыя будзе паведамлена дадаткова (выдаткі на пералёт, пражыванне і харчаванне пакрываюць арганізатары).
Падчас акселератара ўдзельніцам будуць дапамагаць беларускія і міжнародныя ментаркі:
Яўгенія Сугак — галоўная рэдактарка The Village Беларусь, з чэрвеня 2020 года ўдзельніца каманды Віктара Бабарыкі, а таксама аргкамітэта партыі «Разам», ментарка па камунікацыі праектаў, Беларусь.
Марыя Серада — спецыялістка ў сферы стратэгіі, камунікацыі, планавання кампаній, арт-актывізму, сторытэлінгу і пошуку творчых рашэнняў, супрацоўнічала з «Мемарыялам», маскоўскім офісам Amnesty International і іншымі міжнароднымі арганізацыямі, заснавальніца студыі Scafander Games.
Аліна Лісаковіч — генеральная дырэктарка беларускіх краўдфандынгавых і фандрайзінгавых платформаў Ulei і MolaMola.
Дзякуючы серыі афлайн і анлайн сустрэч з лідаркамі з розных сфер і краін, удзельніцы бліжэй пазнаёмяцца з рэальнымі гісторыямі лідарства і выклікамі, якія ім даводзіцца пераадольваць.
Пачатак праграмы — 20 сакавіка
Дэдлайн падачы: 25 лютага ў 23: 59