Польская грамадзкая арганізацыя Цэнтар Супрацоўніцтва моладзі, Гдыня, якая працуе з моладзьдзю, у супрацы з Гарадзкой Радай Гдыні ў сьнежні ладзіць праект “Навучальныя візыты і стажыроўкі для разьвіцьця”, у межах якога будзе арганізаваны навучальны візыт для моладзі – студэнтаў і прадстаўнікоў грамадзкіх арганізацыяў Беларусі, Малдовы, Грузіі й Украіны.

Патрабаваньні да ўдзельнікаў:
– актыўныя студэнты альбо прадстаўнікі НДА ва ўзросьце 18-25 год,
– наяўнасьць замежнага пашпарту,
– вольнае валоданьне рускай мовай.

Навучальныя візыты дапамогуць пазнаёміцца з Польшчай, даведацца пра адміністратыўную й адукацыйную сыстэмы, пра ўрад, бізнэс, СМІ, грамадзкія арганізацыі, культуру, гісторыю.

Інфармацыю ўдзельнікі атрымаюць падчас нефармальных сустрэчаў зь людзьмі, якія працуюць у розных сфэрах і дасягнулі посьпехаў. У межах праграмы ладзяцца сэмінары, майстарклясы, лекцыі, экскурсіі па гарадох паўночнай Польшчы.

Кандыдаты на ўдзел мусяць даслаць анкету на эл.адрас civic.cwm@gmail.com
Апошні тэрмін падачы заявак: 11 кастрычніка 2009 году.

Адабраныя кандыдаты атрымаюць падрабязную йнфармацыю й запрашэньне на ўдзел па эл.пошце.

Больш падрабязна пра праект можна даведацца на вэб-старонцы: www.cwm.org.pl

Паводле “Кронікі грамадзкага жыцьця Гарадзеншчыны” ды belngo.info.