Адукацыйна-ментарынгавы праект Social Camp запрашае беларусаў і беларусак, зацікаўленых у развіцці краіны і ўмацаванні сувязяў з ёй незалежна ад месца пражывання. Набор на адукацыйныя курсы будзе доўжыцца па 10 сакавіка 2024 года.

Для каго? 

Social Camp адкрыты для ўсіх беларусаў і беларусак, якія імкнуцца атрымаць новыя веды, шукаюць падтрымку ў новай краіне знаходжання і жадаюць пашырыць кола прафесійных кантактаў. 

Наша мэта — садзейнічаць абмену досведам паміж беларусамі і беларускамі, а таксама падтрымліваць ініцыятывы і праекты, накіраваныя на развіццё лакальных супольнасцяў.

Што такое ментарынг і як ён працуе?

Ментарынг прыдуманы для таго, каб дапамагчы вам ва ўсебаковым развіцці: прафесійным і асабістым. Нашыя ментары і ментаркі — гэта беларусы і беларускі, якія жывуць унутры краіны і за яе межамі, а таксама замежныя эксперты і эксперткі, якія маюць вялікі вопыт працы ў пэўнай прафесійнай галіне. Яны гатовыя дзяліцца сваім вопытам і экспертызай з матываванымі менці, якім патрэбная дапамога (кантактамі, ведамі, парадай).

У чым могуць дапамагчы ментары і ментаркі:

• Пошуку рашэнняў грамадска значных праблем

• Рэалізацыі сацыякультурных праектаў

• Атрыманні ведаў аб спецыфіцы прафесійнага асяроддзя ў новай краіне знаходжання

• Прафесійным развіцці

• Пашырэнні кантактаў у лакальнай прафесійнай супольнасці і інш.

Што чакаць ад праграмы?

Пасля разгляду заяўкі мы падбяром вам ментар_ку і правядзём установачную сустрэчу, на якой вы пазнаёміцеся, абмяркуеце запыт і індывідуальны план ментарынгу.

Падрабязней пра ментарынг.

Як прыняць удзел?

Запоўніце заяўку на сайце праекту.

Дэдлайн прыёму заявак — 10 сакавіка 2024 года.

Хто гэта робіць? 

Social Camp — гэта праект, які рэалізуецца Гётэ-Інстытутам у Варшаве ды партнёрамі пры фінансавай падтрымцы Еўрапейскага Саюза

Усе падрабязнасці — на сайце праекта.