Анатоль Валюк памёр 10 ліпеня пасля працяглай цяжкай хваробы, як паведамілі сябры паэта і грамадскага актывіста.
Анатоль Валюк нарадзіўся 1 студзеня 1961 года ў вёсцы Вішнеўка, што на Зэльвеншчыне. Жыў у Свіслачы, працаваў журналістам, настаўнікам, быў дэпутатам раённага савета. Выдаў два паэтычныя зборнікі, быў сябрам Саюза беларускіх пісьменнікаў.
Ён быў адным з ініцыятараў штогадовага фэсту паўстанцаў па ўшанаванні братоў Каліноўскіх у Свіслачы і ваколіцах. Неаднаразова спазнаваў за гэта пераслед.
Анатоль Валюк будзе пахаваны на малой радзіме.
Рэдакцыя budzma.org выказвае шчырыя спачуванні родным і блізкім паэта.