Праект infographer.by падрыхтаваў візуалізацыю адной з навінак беларускай літаратуры. Не любіце чытаць доўгія анатацыі ці рэцэнзіі? Тады гэты фармат для вас!
Праект infographer.by візуалізаваў кнігу Кірыла Стаселька ‒ фіналіста прэміі “Дэбют”, а дакладней некаторыя з тэкстаў зборніка. Прэзентацыя кнігі адбылася 30 снежня, але ўжо паспела набыць папулярнасць сярод моладзі.
“Дзіцячы маніфест” – спроба аўтара знайсці межы і магчымасці чалавечай свабоды у грамадзтве, зразумець асаблівасці Рубікону, які палягае між нормай і вар’яцтвам. У кнізе вы сустрэнеце французкага пісьменніка, цела якога знутры разрываецца ад ціску ўласнага Эга, чалавека, чыя рэальнасць і сон зліваюцца, мастака, чыя галава аддзялілася ад цела, ды шмат іншых герояў, якія па-рознаму намагаюцца напісаць маніфест свайго “Я”.
Звесткі пра аўтара: Стаселька Кірыл нарадзіўся года ў Барысаве. У 2013 скончыў Факультэт філасофіі і сацыяльных навук БДУ па спецыяльнасці “Сацыялогія”, у 2014 Магiстратуру Інстытута падрыхтоўкі навуковых кадраў пры НАН РБ. З’яўляецца выпускніком Беларускага калегіўма, Лятучага ўніверсітэта, Школы маладога пісьменніка ГА “Саюз беларускiх пiсьменнiкаў і Школы маладых мэнэджэраў публічнага адміністравання (Беларусь, Швецыя). На дадзены момант навучаецца ў аспірантуры Акадэміі навук, з’яўляецца дырэктарам “Агенцтва інфармацыйных тэхналогій “Буцэфал”, кіраўніком інтэрнэт-часопіса infographer.by і каардынатарам праекта “Народны журналіст”. Публікаваўся ў такіх часопісах, як “Дзеяслоў”, “Маладосць”, “Паміж”, “pARTtisan”, а таксама ў зборніку “Параходзік сучаснасці”.
