29 сакавіка пачаў працу ІлюзіALL — першы ў Беларусі 3D-атракцыён, прысвечаны 12 беларускім цудам. Ад Перуна-грамабоя і містычных русалак да дранікаў і БелАЗаў. У вас будзе магчымасць трапіць у гісторыю Беларусі ў літаральным сэнсе гэтага слова. Адмысловая тэхналогія 3D-малюнкаў дазволіць перамясціцца “унутр” карцін і зрабіць сэлфі з героямі беларускіх паданняў: упершыню, у ГЦ “ALL”, містычная Беларусь становіцца такой блізкай. Запрашаем апрабаваць гісторыю на сабе.
Што гэта? ІлюзіALL — гэта бясплатны атракцыён, які распавядае пра Беларусь у самай займальнай і нетрывіяльнай форме. Ва ўсіх наведвальнікаў, незалежна ад узросту, будзе магчымасць літаральна датыкнуцца да гісторыі, убачыць яе ў фармаце 3D, больш даведацца пра свае карані і беларускую міфалогію. Прабіў час схапіць Барбару Радзівіл за спадніцу!
Як гэта працуе? ІлюзіALL — маштабныя дэкарацыі ад прафесійных мастакоў на тэму легендарных беларускіх цудаў мінулага і сучаснасці. Зрабіўшы фота на іх фоне, наведвальнік сам становіцца героем сюжэту і змяняе яго ў меру сваёй фантазіі.
Дзякуючы 3D-тэхналогіі вы зможаце дакрануцца да кіпцюра цмока, папужаць пад вадой русалак, паўдзельнічаць у Грунвальдскай бітве, пакаштаваць гіганцкі дранік і знайсці папараць-кветку. Усё, што вам спатрэбіцца, — камера мабільнага тэлефона і любоў да гісторыі сваёй краіны.
Згуляем ў гісторыю ў ГЦ “ALL”!
29 сакавіка — 16 траўня (без выходных)
Час працы: з 10.00 да 22.00
Месца: ГЦ “ALL” (Далгінаўскі тракт, 178)
Уваход: вольны
Паводле арганізатараў