У Неглюбцы прайшоў традыцыйны летнік па ткацтве «Кросенцы-2022». Шэсць дзён удзельнікі наведвалі лекцыі, вучыліся шыць «упроста» і «ў крУшкі», а таксама спявалі і танчылі ў сваё задавальненне.
Фота Ларысы Шчыраковай
«Удзельнікі летніка займаліся ткацтвам пад наглядам лепшых неглюбскіх майстрынь Людмілы Кавалёвай, Таццяны Суглоб, Алены Дземчыхінай, слухалі лекцыі мастацтвазнаўцы Галіны Нячаевай пра ткацтва ды неглюбскія традыцыі, стваралі гарлячкі і неглюбскія кубкі, вырабы з саломы і кручаныя паясы, спявалі, танцавалі і адпачывалі ў добрай кампаніі», – піша «Штодзень Гомель».
«Гэта былі неверагодныя 6 дзён, шчыльна насычаныя рознымі актыўнасцямі, якімі ў звычайным штодзённым жыцці наўрад ці давялося б пазаймацца. Але ж колькі новай асалоды ды ўражанняў прынеслі ўдзельнікам летніка гэтыя дні», — гаворыцца на старонцы Веткаўскі музей стараабрадніцтва і беларускіх традыцый імя Фёдара Шклярава.
Фотаздымкі зрабіла Ларыса Шчыракова:
