На 86-м годзе жыцця пайшоў у лепшы свет беларускі пісьменнік і журналіст Эрнэст Ялугін. Пра гэта паведаміў былы старшыня Таварыства беларускай мовы Алег Трусаў.
Эрнэст Ялугін у Будскай сярэдняй школе на сустрэчы з навучэнцамі, 2014 год. Фота з сайту dubrowna.regiony.by
Працаваў у Салігорску ў шматтыражнай газэце «За коммунистический труд», у раённых газетах «Знамя юности», «Сельская газета». З 1969 года працаваў карэспандэнтам газеты «Літаратура і мастацтва». З 1978 па 1984 год быў намеснікам галоўнага рэдактара часопіса «Нёман». З 1991 па 1997 год — галоўны рэдактар штотыднёвіка «Наша слова». Сузаснавальнік Беларускай асацыяцыяі журналістаў у 1995 годзе.
Эрнэст Ялугін — аўтар нарысаў пра дзеячаў беларускай літаратуры і навукоўцаў: Васіля Быкава, Аляксандра Міронава, Адама Мальдзіса, Мікалая Улашчыка; гістарычнай аповесьці «Мсьціслаўцаў посах» пра аднаго зь першадрукароў Пятра Мсьціслаўца; дакумэнтальнай аповесьці «Без эпітафіі» пра жыцьцё і дзейнасьць Цішкі Гартнага.
Пісаў аповесці, раманы на гістарычную і сучасную тэматыку: «Камяні Млечнага шляху», «Апошні князь», «Астравы», «Год-другі ў Алжыры», «Свечкі на Дзяды» (1991), «Ідзі і кажы» (2006), «А потым — рай» (2008).
