Доктар гістарычных навук, прафесар Алесь Краўцэвіч працягвае на ўласным YouTube-канале распавядаць пра малавядомыя факты з беларускай гісторыі.
З якога часу каталіцкі касцёл спрабаваў ахрысціць землі ВКЛ? Што дзеля гэтага было зроблена? Чым кіраваліся князі літоўскія прымаючы хрысціянства? Чаму Тэўтонскаму ордэну было зручна мець побач язычнікаў? Якую выгаду атрымала б папства у выпадку хрышчэння ВКЛ? Як сталася, што вялікага князя літоўскага ледзь не хрысцілі адразу два Папы? У пошуку адказаў на гэтыя пытанні гісторык Алесь Краўцэвіч запрашае ў вандроўку ў мінулае.
