Беларускія святы і абрады часам здаюцца непазбежна складанымі. У іх шмат словаў, шмат нюансаў, да таго ж яшчэ і рэгіёны ўносяць свае адценні. Але калі паглядзець уважліва, традыцыя працуе вельмі проста, праз рэчы і жэсты, якія паўтараюцца стагоддзямі і перадаюцца, як мова, без словаў.
Вянок, пушчаны па вадзе, скок праз вогнішча, зорка на кійку, саламяны павук пад столлю, жаўрукі з цеста, упрыгожаны апошні сноп... Усё гэта знакі, праз якія людзі адзначалі, калі надыходзіць новая пара году, як папрасіць ураджаю, як сустрэць вясну ці правесці зіму.
У гэтым тэсце мы прапануем пагуляць у абраднага дэтэктыва. Глядзіце на малюнак і спрабуйце зразумець, якая дэталь выдае каляндарны час і настрой свята.
