Стваральнікі петыцыі лічаць, што новы дах змяняе гістарычнае аблічча Будынку, не быў узгоднены з адмысловай камісіяй, патрабуюць спынення працаў і аднаўлення арыгінальны выгляд даха.
Будынак мемарыяльнага музея-майстэрні Заіра Ісакавіча Азгура, размешчаны па адрасе: г. Мінск, вуліца Азгура, 8 мае статус матэрыяльнай нерухомай гісторыка-культурнай каштоўнасці, помніка архітэктуры з шыфрам 713Д000005. Будынак пабудаваны ў 1984 годзе архітэктарам Вальменам Мікалаевічам Аладавым і з’яўляецца прадстаўніком савецкага архітэктурнага мадэрнізму. Будынкаў у дадзеным архітэктурным стылі, якім нададзены статус гісторыка-культурнай каштоўнасці, вельмі мала.
На момант канца жніўня 2022 гады на Будынку праводзяцца працы па капітальным рамонце даху. Падчас гэтых прац арыгінальны дах замяняецца на новы, выгляд якога не адпавядае арыгінальнаму: замест лістоў асаблівай формы, якія накрывалі адзін аднаго, тым самым ствараючы асаблівы «малюнак», усталёўваюцца прамыя металічныя лісты. Па стане на 29 жніўня 2022 года працы на аб’екце яшчэ не скончаны, а элементы арыгінальнага даху ўсё яшчэ знаходзяцца на тэрыторыі музея.
Прачытаць тэкст петыцыі цалкам і падпісацца пад ёй можна па спасылцы.
