Паводле слоў дзяржабвінаваўцы, «такія паводзіны чалавека, які прадстаўляе Беларусь на міжнароднай арэне, проста не дапушчальныя», піша «Зялёны партал».
Віктар Фянчук. Фота greenbelarus.info
Былога кіраўніка «Аховы птушак Бацькаўшчыны», вучонага-арнітолага Віктара Фенчука затрымалі 1 верасня 2021 года. Яго абвінавацілі па артыкуле «Арганізацыя і падрыхтоўка дзеянняў, якія груба парушаюць грамадскі парадак».
Падставай для абвінавачання паслужылі некалькі фота з пратэстных маршаў, у якіх удзельнічаў Фянчук. Яны ж сталі прычынай іску супраць вучонага з боку Мінсктранса, які лічыць, што пратэстныя акцыі нанеслі ўрон сталічнаму гарадскому транспарту.
Пра пазов Мінсктранса ў памеры 196 тысяч беларускіх рублёў (76 тысяч долараў) стала вядома ўжо падчас судовага разбору.
Раней Мінсктранс неаднаразова выстаўляў іскі на розныя сумы розным фігурантам крымінальных спраў у адносінах да ўдзельнікаў пратэстных акцый.
