На дзіцячым ютуб-канале «Будзьма дзецям» выйшаў новы выпуск адукацыйнага відэапраекта для дзяцей «Разумняты». Гэтым разам цікава і ў даступнай для дзяцей форме распавядаем пра сімволіку дзяржавы — герб і сцяг.
У новым выпуску даведаемся:
Калі з’явіліся гербы і сцягі, што яны абазначаюць і дзе выкарыстоўваюцца. Калі пачынаецца гісторыя гербаў і чым абумоўлена іх форма. Якія назвы маюць гербы магнацкіх родаў Радзівілаў і Сапегаў. Сімваламі чаго з’яўляюцца герб і сцяг. Што адлюстроўваюць сімвалы і спалучэнні колераў на сцягах. Якая навука займаецца вывучэннем гербаў. Гербы беларускіх гарадоў.
А для самых кемлівых мы падрыхтавалі цікавыя заданні па тэме, якія можна раздрукаваць, спампаваўшы дадатак па спасылцы.
Трэці сезон «Разумнятаў» створаны ў адпаведнасці са школьнай праграмай па прадмету «Чалавек і свет: мая Радзіма — Беларусь» для 4 класа. Цяпер атрымліваць веды ў школе не толькі карысна, але і цікава. А пад кожным відэа вы знойдзеце дадаткі і заданні.
Усе выпускі відэапраекта «Разумняты» глядзіце па спасылцы.
«Будзьма дзецям» — пазнавальны, забаўляльны, адукацыйны ютуб-канал для дзяцей і іх бацькоў. Падпісвайцеся самі і падпішыце вашых дзетак!
Калі вам падабаюцца нашыя відэапраекты і аўтарскія артыкулы, вы можаце падтрымаць рэдакцыю «Будзьмы», набыўшы нам кубачак кавы. Гэта дапаможа нам стварыць больш цікавых відэаролікаў і арыгінальных артыкулаў.
