Беларускія журналісты Віктар Контар і Ірына Арахоўская зрабілі праект аб вымушанай эміграцыі хатніх жывёлаў. Так так! Менавіта вымушанай — гаспадары герояў вымушана пакінулі родную краіну з-за палітычнай сітуацыі дома.
На сайце «Run, dog, run» распавядаюцца ад першай асобы самыя розныя гісторыі гаспадароў і іх хатніх жывёлаў. Хтосьці ўцякаў праз лясы са сваім хатнім гадаванцам, хтосьці быў вымушаны пакінуць свайго ўлюбёнца ў Беларусі, камусьці добрыя людзі дапамаглі аформіць неабходныя дакументы і ўз’яднацца са сваім маленькім сябрам за мяжой. Кожная гісторыя вартая прыгодніцкага фільма. Застаецца толькі спадзявацца, што ва ўсіх гэтых неверагодных гісторый будзе шчаслівы фінал.
