«Саломапляценне Беларусі: мастацтва, рамяство і ўменні» уключана ў Рэпрызантыўны спіс нематэрыяльнай культурнай спадчыны чалавецтва, паведамілі ў Міністэрстве культуры.
Крыніца: dudutki.by
На 17-ай сэссіі Міжурадавага камітэта па ахове нематэрыяльнай культурнай спадчыны (ЮНЭСКА), якая праходзіць у г. Рабат (Марокка), была разгледжана і падтрымана беларуская намінацыя па саломапляценню. Удзел у паседжанні межурадавага камітэта прыняла намеснік начальніка ўпраўлення па гісторыка-культурнай спадчыне Міністэрства культуры Рэспублікі Беларусь Нецветаева М.В.
Для Беларусі гэта пяты элемент, які ўключаны ў Рэпрызантыўны спіс нематэрыяльнай культурнай спадчыны чалавецтва, разам з абрадамі «Калядныя цары» і «Юр’еўскі карагод», Будслаўскім фэстам і традыцыямі бортніцтва.
