Выйшаў новы выпуск гістарычнага серыяла «Сармат», прысвечанага шляхецкай культуры ў розных яе аспектах: як жылі, за што жылі, пра што думалі і марылі нашы продкі-шляхцічы.
Як бацька выхоўваў Яна Сабескага? Чаму прадстаўнік не самага крутога роду стаў каралём Рэчы Паспалітай? Да чаго тут жонка Яна Казіміра ды загадкавая «Марысенька»? Замест каранацыі Сабескі паехаў на вайну... так бывае? Ці мог Сабескі не ратаваць Вену ў 1683 годзе? Куды падзеліся грошы Сабескіх, і чаму яго жонку зненавідзелі ў Рэчы Паспалітай? Праўда і міфы пра Яна ІІІ Сабескага — у нашым відэа.
