Стартавая сустрэча па распрацоўцы дызайну адукацыйнага курса «Школа адукатараў» адбылася 10 чэрвеня 2016 года ў офісе Асацыяцыі дадатковай адукацыі і асветы. У мерапрыемстве прыняло ўдзел больш за дзесяць практыкуючых трэнераў, прадстаўнікоў Асацыяцыі дадатковай адукацыі і асветы і партнёрскіх арганізацый. У межах сустрэчы адбылося абмеркаванне агульнай канцэпцыі, а таксама фарміраванне трэнерскай каманды Школы зыходзячы з мэты, задач і рамачных умоў.

Прыняўшы ўдзел у двух навучальных цыклах для трэнераў «Школа адукатараў», сорак прадстаўнікоў беларускіх арганізацый і ініцыятыў грамадзянскай супольнасці змогуць развіць свае трэнерскія кампетэнцыі. Навучанне пройдзе са жніўня па снежань 2016 года. Кожная Школа складаецца з 4-х пяцідзённых семінараў.

Прыём заявак будзе ажыццяўляцца з 1 па 25 ліпеня 2016 года. Пры адборы ўдзельнікаў прыярытэт будзе аддавацца прадстаўнікам арганізацый грамадзянскай супольнасці з рэгіёнаў, якія маюць трэнерскі досвед.

Падчас навучання ўдзельнікі набудуць веды па тэмах:

• «Нефармальная і грамадзянская адукацыя як інструмент вырашэння грамадскіх выклікаў»;
• «Ключавыя прынцыпы і падыходы да дызайну адукацыйных праграм»;
• «Метады нефармальнай і грамадзянскай адукацыі»;
• “Ацэнка эфектыўнасці праграм нефармальнай і грамадзянскай адукацыі»;

Арганізатары плануюць, што вынікам доўгатэрміновага навучання стане стварэнне «Клуба адукатараў» – супольнасці выкладчыкаў, трэнераў, андрагогов, якое будзе спрыяць павышэнню ўстойлівасці і эфектыўнасці іх дзейнасці, абмену вопытам і лепшымі практыкамі. Клуб стане месцам для абмеркавання актуальных тэм сферы дадатковай і нефармальнай адукацыі, а таксама пляцоўкай прадастаўлення адукацыйных паслуг для грамадзян, уключаючы групы насельніцтва, схільныя рызыцы сацыяльнага выключэння.

Правядзенне «Школы адукатараў» стала магчымым дзякуючы праекту “Вучыцца, каб дзейнічаць» (што фінансуецца са сродкаў Еўрапейскага Звяза і DVV International), мэтай якога з’яўляецца садзейнічанне рэалізацыі права на адукацыю на працягу ўсяго жыцця і прасоўванне грамадзянскага ўдзелу.

Дадатковая інфармацыя: +375 29 318 77 18 (Кацярына), ngofest2016@gmail.com а таксама на https://adukatar.net