Заняткі вам дапамогуць перайсці ад асабістага блога да мультымедыйнага праекта, ад яркага тэксту — да прамога эфіру.
Калі вы: вядзеце свой блог ці старонку ў сацсетках, хочаце пісаць коратка і ясна, рабіць яркія мабільныя здымкі, ствараць падкасты і відэа рэпартажы, упісацца ў стандарты і застацца унікальнымі, паступіць на журфак ці практыкавацца ў рэдакцыі, то гэты курс для вас.
На курсе створана свая вучэбная пляцоўка, дзе кожны будзе практыкавацца, як у сапраўднай рэдакцыі.
Заняткі пачнуцца ўжо з 16 кастрычніка і працягнуцца да 21 мая па серадах і нядзелях.
Фармат праекта
Навучанне па тэматычных блоках: навіна, рэпартаж, інтэрв’ю, відэасюжэт, фота-сюжэт, падкаст, інфармацыйная бяспека з практычным выхадам пасля кожнага цыклу, дапамога ментараў, практыка ў рэдакцыях.
Якія яшчэ магчымасці?
Практыка ў гродзенскіх медыя з падтрымкай ментараў — добры шанец атрымаць новую прафесію і знайсці працу, дадаць дадатковыя скілы практыкуючым журналістам і студэнтам.
Каб запісацца на курс трэба запоўніць анкету па спасылцы. Падрабязнасці там.
