Жывая бібліятэка абнаўляе свой “каталог” і да 14 сакавіка шукае “жывыя кнігі”, каб людзі маглі сустрэцца з новымі цікавымі і незвычайнымі Іншымі!

Ці бывала калі-небудзь такое, што Вы чулі ў свой бок: “Сам_а вінават_ая! З такімі так і трэба!”? Ці знаёма Вам адчуванне таго, што хочацца закрычаць, растлумачыць, што ўсё не так, як здаецца на першы погляд, ці як распавядае прапаганда ў СМІ?

Мы хочам даць Вам гэтую магчымасць: магчымасць быць сабой, магчымасць рассказаць як мага большаму колу людзей, што за стэрэатыпамі хаваюцца такія ж самыя людзі, якія здольны адчуваць боль, кахаць, злавацца. Усё гэта магчыма ў межах Жывой бібліятэкі.

Жывая бібліятэка – гэта незвычайная бібліятэка. Замест звыклых кніг тут выступаюць жывыя людзі са сваімі гісторыямі, якімі яны гатовы падзяліцца з чытачамі. Арганізавана Жывая бібліятэка так жа сама, як і звычайная: “чытачы” прыходзяць, запаўняюць “бібліятэчную картку”, выбіраюць “кнігу” і “чытаюць” яе на працягу пэўнага часу.

Калі Вы:

• Належыце да пэўнай сацыяльнай группы, ў дачыненні да якой існуюць стэрэатыпы
• Сутыкаецеся са стыгматызацыяй у паўсядзённым жыцці
• Маеце спецыфічны досвед / прафесію / стыль жыцця / светапогляды, якія выклікаюць шмат пытанняў і неадназначных рэакцый “большасці”
• Марыце зрабіць свой унёсак у змяненне свету і хоць трошкі змяніць светапогляды нашага “чытача”
• Гатовыя да шчырага дыялогу аб набалелым
• Гатовыя адкрыцца і рассказаць усяму свету як гэта, быць “Іншым”

Тады мы будзем рады запрасіць Вас на нашыя мерапрыемствы і даць магчымасць адчуць сябе “жывой кнігай”! Для таго, каб далучыцца да нас трэба запоўніць заяўку да 14 сакавіка.

Калі у Вас ёсць сябры, якія яшчэ не ведаюць, што такое Жывая Бібліятэка, але падыходзяць пад апісанне вышэй, запрашайце іх! Мы будзем радыя сустрэцца з новымі цікавымі людзьмі і распавесці болей пра Жывую Бібліятэку.

Па ўсіх пытаннях, звязаных з удзелам у праекце Вы можаце звяртацца ў асабістыя паведамленні праекту ў сацыяльных сеткахі ВК альбо FB альбо пісаць лісты на human.library.belarus@gmail.com