Ад сёння новая кніга для дзетак і іх бацькоў шведскай пісьменніцы Эвы Суса ў перакладзе на беларускую мову Дзмітрыя Плакса і ў мастацкім афармленні Кацярыны Дубовік даступная для ўсіх цікаўных у кнігарнях Мінска.

Кніга пра прыгоды Снежнага чалавека ў Мінску ўнікальная, бо найперш пабачыла свет менавіта ў беларускім перакладзе ў серыі для дзяцей “Каляровы ровар” Бібліятэкі Саюза беларускіх пісьменнікаў.

Нагадаем, што 24 лістапада ў Мінскай абласной бібліятэцы імя Пушкіна (вул. Гікалы, 4) адбудзецца прэзентацыя з удзелам пісьменніцы Эвы Суса і мастака Кацярыны Дубовік, якія адмыслова прыляцелі ў Мінск, каб прадставіць кнігу. Чакаецца музычны выступ Андруся Такінданга. Пачатак у 18.00. Уваход вольны БОЛЕЙ ТУТ 

Першая кніга пра Снежнага чалавека

Снежны чалавек, створаны Эвай Суса, ужо знаёмы беларускаму чытачу — у 2013 годзе ў серыі “Каляровы ровар” выйшла аднайменная кніга ў перакладзе Алесі Башарымавай, аформленая французскім мастаком Бенжамэнам Шо.

Пытайце казку пра “Снежнага чалавека ў Мінску” ў крамах Мінска: “Акадэмкніга” (пр-т Незалежнасці, 72), “Кнігарня пісьменніка” (вул. Казлова, 2), “Веды” (вул. К. Маркса, 36), “Светач” (пр-т Пераможцаў, 11), “Цэнтральны кніжны” (пр-т Незалежнасці, 19), “Кнігі & кніжачкі” (пр-т Незалежнасці, 14), Кніжная выстава-кірмаш “Мир книг” (вул. Янкі Купалы, 27), “Бэбі-бук” (Гродна, вул. Савецкая, 18, ГЦ “Нёман”, 2 паверх), а таксама на сайце knihi.by.

Прэс-служба ГА “Саюз беларускіх пісьменнікаў”